پشاور: نادرانےمشہورِعالم افغان خاتون کوپاکستانی شناختی کارڈ جاری کردیا، نادراکےپاس موجود شربت بی بی کاتمام ریکارڈ جعلی نکلا۔
تفصیلات کے مطابق نیوزویک کےسرورق سےعالمی سطح پرشہرت پانےوالی افغان مونالیزاکو نادرانےپاکستانی شہریت دے دی۔
اے آر وائی نیوز نےشربت بی بی عرف افغان مونالیزا کوپاکستانی شناختی کارڈ جاری ہونے کی خبرتئیس فروری کونشرکی۔
نادراڈیٹا کے مطابق شربت گل یکم جنوری انیس سوانہترکو پشاورمیں پیدا ہوئی اورطلب روڈ محلہ مست گل پشاور میں رہتی ہے۔ افغان خاتون کے شوہرکی معلومات بھی جعلی ہیں جبکہ افغان مونا لیزا کے فارم کی تصدیق کرنے والے یونس خان اور جمیل الرحمان کابھی سرے سے کوئی وجود نہیں۔
نادرانےتوشربت بی بی کوپشاورمیں پیداکرادیا جبکہ حقیقت یہ ہے کہ وہ انیس سوچوراسی کوہجرت کرکےپاکستان آئی تھی، نادراکےمطابق اس کےدوبیٹےہیں جبکہ ابتدائی خبریں یہ تھیں کہ اس کی تین بیٹیاں ہیں،ممکنہ طورپرشربت بی بی کےوہ بیٹے بھی جعلی ہیں جن کونادرانےقومی شناختی کارڈ جاری کیے۔
اے آر وائی کی خبر پرحکام کوہوش آیاتوشربت بی بی اوراس کےدومبینہ بیٹوں کےشناختی کارڈ بلاک کرکےمتعلقہ افسروں کومعطل کردیا گیا۔
