کراچی: ایکسپو سینٹر کراچی میں پاکستان کی سب سے بڑی دفاعی نمائش آئیڈیاز دو ہزار چودہ میں غیر ملکی مندوبین نے غیر معمولی دلچسپی کا اظہار کیا ہے، الخالد اور الضرار ٹینک غیر ملکی مندوبین کی توجہ کا مرکز بن رہے ہیں۔
پاکستان عالمی سطح پر سامانِ حرب کی تیاریوں میں اہم مقام حاصل کرچکا ہے، دفاعی نمائش میں پاکستان کے بحری، بری، اور فضائی مسلح افواج نے اہم کردار ادا کیا ہے، دفاعی نمائش میں الخالد اور الضرار ٹینک کے اپ گریڈ وژن بھی نمائش میں رکھے گئے ہیں جو کہ غیر ملکی مندوبین میں توجہ کی مرکز بنے رہے ۔
سندھ کے کورکمانڈر لیفٹیننٹ جنرل نوید مختار کا کہنا ہے کہ آئیڈیاز نمائش میں کراچی کے شہریوں کا اہم کردار ہے، عالمی منڈی میں پاکستانی ہتھیار برائے امن کا سفر بتدریج آگے بڑھ رہا ہے۔
توقع ہے کہ اس نمائش میں شریک غیر ملکی وفود پاکستان کی اسلحہ سازی کی صلاحیت سے متاثر ہوتے ہوئے بڑے پیمانے پر آلات حرب کی خریداری میں دلچسپی لیں گے ۔
