کراچی: ایم کیو ایم کے قائد الطاف حسین نے آصف علی زرداری کو ٹیلیفون کیا ہے، دونوں رہنماوں کے درمیان گفتگو میں یمن اور سعودی عرب کے درمیان تنازع پر آل پارٹیز کانفرنس بلانے کی تجویز پر اتفاق کیا گیا۔
ذرائع کاکہنا ہے دونوں رہنماوں کے درمیان گفتگو میں موجودہ بین الاقوامی صورتحال، ایم کیوایم کی سندھ حکومت میں شمولیت سمیت اہم امور پر تبادلہ خیال کیا گیا۔
تفصیلی گفتگو میں اس بات پر اتفاق کیا گیا کہ یمن اور سعودی عرب کے تنازع کو دانشمندی سے دیکھا جائے اور صرف وہ فیصلہ کیا جائے جو پاکستان کے مفاد میں ہو ۔
ذرائع کا کہنا ہے الطاف حسین نے پیپلز پارٹی کے شریک چیئرمین آصف علی زرداری کو کراچی آپریشن اور ایم کیوایم کے کارکنوں کی گرفتاریوں کے حوالے سے بھی اپنے تحفظات سے آگاہ کیا ۔
