کراچی: متحدہ قومی موومنٹ کے قائد الطاف حسین نے کراچی تنظیمی کمیٹی کوفوری طور پرغیر فعال کردیا ہے، تنظیمی کمیٹی کے تمام دفاتربھی بند کردئیے گئے ہیں۔
ایم کیوایم میں تنظیمی تبدیلیاں جاری ہیں اورالطاف حسین نے اگلے احکامات تک کراچی تنظیمی کمیٹی کو غیرفعا ل اورکسی بھی کارکن کے کام کرنے پر پابندی لگادی ہے جبکہ کے ٹی سی کے تمام دفاتربھی بندکردیئے گئے ہیں، الطاف حسین نے چند روزقبل تنظیمی کمیٹی غیرفعال کرنے کااعلان کیا تھا۔
ایم کیوایم کے ذرائع کا کہنا ہے کہ کراچی تنظیمی کمیٹی کی بحالی یا غیر فعال رکھنے کے حوالے سے مشاورت جاری ہے، تنظیمی کمیٹی نے الطاف حسین سے بات چیت کے لئے بھی درخواست کی تھی ۔
