کراچی : وفاقی وزیر داخلہ چوہدری نثار اور وزیر دفاع خواجہ آصف کے الطاف حسین کے بارے میں ریمارکس اور الطاف حسین کے خلاف مقدمات درج ہونے پر پر ایم کیوایم نے مختلف شہروں میں احتجاجی مظاہرے کئے گئے۔
کراچی میں ایم کیوایم شعبہ خواتین کی جانب سے کراچی پریس کلب کے باہر احتجاجی مظاہرہ کیا گیا، کارکنان نے شدید نعرے بازی بھی کی اس موقع پر خواتین کارکنان اور رینجرز اہلکاروں کا آمنا سامنا بھی ہوا۔
احتجاجی مظاہرے سے خطاب کرتے ہوئے ڈاکٹر فاروق ستار نے کہا کہ آج بھی فوج کے ساتھ ہیں۔ ہمارے ساتھ ظلم بند کیاجائے۔
مظاہرے میں آنے پر بھی فاروق ستار کی گاڑی کی تلاشی لی گئی۔ سیکورٹی اہلکاروں نے فاروق ستار کو پوچھ گچھ کے بعد جانے دیا
لاہورپریس کلب کے باہر ایم کیوایم سنٹرل پنجاب ایڈہاک کمیٹی کا نےاحتجاجی مظاہرہ کیا، مظاہرین نےخواجہ آصف اور چوہدری نثار کے خلاف نعرے بازی کی ۔
کوئٹہ میں بھی ایم کیو ایم کے کارکنوں نے وفاقی وزیرداخلہ چوہدری نثار کیخلاف احتجاجی مظاہرہ کیا ،کارکنوں نے الطاف حسین کے حق اور حکومت کے خلاف نعرے بازی کی۔
سکھر ،نواب شاہ،میرپور خاص اور ٹنڈو الٰہ یارمیں بھی متحدہ قومی موومنٹ کے قائد الطاف حسین کے خلاف مقدمات درج ہونے کے خلاف کارکنوں نے احتجاجی مظاہرے کئے ، مظاہروں میں خواتین بھی بڑی تعداد میں شریک ہوئیں۔
