اسمارٹ ٹی وی اور گاڑی کو کنٹرول کرنے والے گیجیٹس کی نمائش کیلئے امریکا میں کمپیوٹر الیکٹرونکس شو دوہزار چودہ سجایا گیا، ایک سو پانچ انچ کی لچک دار ٹی وی اسکرین نے صارفین کو حیران کردیا۔
نمائش میں شامل جدید ٹی وی، اسمارٹ گھڑیاں اور انٹرنیٹ سے جڑی گھریلو استعمال کی اشیا سب کی توجہ کا مرکز ہیں، امریکا کے شہر لاس ویگاس میں ہونے والی نمائش میں ایک سو پانچ انچ کا لچکدار ٹی وی متعارف کروایا گیا ہے، جسے جب چاہیں فلیٹ یا کرووڈ ٹی وی بنایا جاسکتا ہے۔
اس کے علاوہ نمائش اسمارٹ فون گھڑیاں، انٹرنیٹ سے جڑے فریج ،اوون اور دیگر گھریلو استعمال کے الیکٹرونک آئٹمز اور شمسی توانائی سے چلنے والی گاڑی کے ساتھ ہزاروں جدید اشیاء رکھی گئی ہیں، جدت سے بھرپور دنیا کا یہ سب سے بڑا ’کمپیوٹر الیکٹرونکس شو2014‘ چار روز تک جاری رہے گا۔
