صدر ٹرمپ کی جانب سے فیلڈ مارشل عاصم منیر کو ظہرانے پر بھارتی میڈیا سیخ پا ہوگیا اور اسے ڈیزاسٹر اور مودی جی کی ناکامی قرار دے دیا۔
تفصیلات کے مطابق سپہ سالار جنرل سید عاصم منیر کی صدر ٹرمپ سے اہم ترین ملاقات پر بھارت تو سکتے میں آگیا ہے، بھارتی میڈیا نے اپنے ہی وزیرِ اعظم کو نشانے پر رکھ لیا۔
بھارتی میڈیا نے صدر ٹرمپ کی جانب سے فیلڈ مارشل عاصم منیر کے ظہرانہ کو ڈیزاسٹر اور مودی جی کی ناکامی قرار دے دیا۔
امریکی صدر ڈونلڈ ٹرمپ اورفلیڈ مارشل جنرل عاصم منیر کے درمیان وائٹ ہاؤس ظہرانے کو بھارتی میڈیا مودی کے جی سیون ممالک کے دورے سے موازنہ کرتا رہا۔
بھارتی میڈیا کا کہنا تھا کہ صدر ٹرمپ فیلڈ مارشل عکے ساتھ ظہرانہ کررہے تھے اور نریندر مودی، جی سیون رہنماؤں کے ساتھ گروپ فوٹو بنوا رہے تھے، درحقیقت پاکستان نے مودی کو دنیا میں تنہا کردیااور بھارتی خارجہ پالیسی کو خاموش کرادیا، دنیا کی توجہ پاکستان کی جانب ہے۔
اپوزیشن جماعت کانگریس نے آستینیں چڑھاکر مودی حکومت کو آڑے ہاتھوں لیا ہو اور آفیشل ایکس ہینڈل پر ویڈیو جاری کردی۔
اپوزیشن نے جنرل عاصم منیر کے ڈونلڈ ٹرمپ کے ساتھ لنچ اور ملاقات پر کہا کہ امریکا کی پاکستان سے قربت بھارت کیلئے شدید پریشانی کا باعث ہیں۔
From "leading from the front”
To "trailing at the back” pic.twitter.com/XGZcX0N7sZ— Congress (@INCIndia) June 18, 2025
