لاہور: پاکستان عوامی تحریک کے سربراہ طاہر القادری کا کہنا ہے کہ حکمرانوں کو چالیس کے بعد کے آرٹیکلز نظر آتے ہیں اس سے پہلے کے آرٹیکلز کیوں نظر نہیں آتے۔
لاہور میں پریس کانفرنس کرتے ہوئے پاکستان عوامی تحریک کے چئیرمین ڈاکٹر طاہرالقادری نے کہا ہے کہ غریبوں کو روٹی کپڑا اور مکان نہ دینے والی جمہوریت کو ڈی ریل ہو جانا چاہیے، انقلاب کے بعد قومی اسمبلی میں مزدوروں ،کسانوں اور صحافیوں کو نمائندگی دیں گے، وہ مزدور کنونشن سے خطاب کر رہے تھے۔
ان کا کہنا تھا کہ حکمرانوں کو یہ نظر آتا ہے کہ حکومت کیسے بنے گی کیسے ٹوٹے گی یہ آئین کا حصہ نظر آتا ہے ،ڈاکٹر طاہرالقادری نے کہا کہ وہ انقلاب کی تاریخ دے کر بدلنا نہیں چاہتے، جمہوریت اس وقت ڈی ریل ہوتی ہے جب غریبوں کو ان کے بنیادی حقوق نہ ملیں۔
