ہالی ووڈ: خلائی مخلوقوں کی شرارتوں اور کامیڈی سے بھرپور انییمٹڈ فلم ہوم کا ٹریلر ریلیز کردیا گیا ہے۔
خلائی مخلوقوں کو گھر کی تلاش ہے اور وہ سنیما گھروں میں اپنا ڈیرہ ڈالنے آرہی ہیں، ہالی ووڈ کی تھری ڈی اینیمیٹڈ کامیڈی فلم ہوم کا رنگارنگ ٹریلر ریلیز کردیا گیا ہے۔ فلم معروف مصنف ایڈم ریکس کے ناول سے ماخوذ ہے۔
رنگوں سے بھری فلم کی کہانی خلائی مخلوق کے گرد گھومتی ہے، جو اپنے دشمنوں سے بچنے کیلئے زمین پر آکر چھپ جانا چاہتے ہیں، فلم میں اینیمٹڈ کرداروں کی آواز کا جادو ہالی ووڈ کے صفِ اول کے اداکاروں نے جگایا ہے۔
کامیڈی سے بھرپور فلم اگلے سال مارچ کو سینیما گھروں میں ریلیز کی جائیگی۔
