لندن : منی لانڈرنگ کے مقدمے میں آج ایم کیو ایم کے قائد الطاف حسین کی ضمانت ختم ہوگئی ہے، الطاف حسین کا کہنا ہے کہ آج وہ لندن میٹرو پولیٹن اسٹیشن میں پیش ہوں گے، عوام ان کے لئے دعا کریں۔
رات گئے جناح گراونڈ میں ایم کیو ایم کے زیرِ اہتمام انتخابی مہم کے سلسلے میں کارکنان سے خطاب کرتے ہوئے ایم کیو ایم کے قائد الطاف حسین کا کہنا تھا کہ لندن میں ان پر مقدمات چل رہے ہیں آج ان کی پیشی ہے۔
الطاف حسین این اے دو چھیالیس میں ضمنی انتخاب کی مہم کے تناظر میں الطاف حسین نے کارکنوں کو مخاطب کرتے ہوئے کہا کہ ہر قیمت پر لڑائی جھگڑے سے دور رہا جائے تاکہ پر امن طریقے سے ضمنی الیکشن ہوسکیں ۔
- Advertisement -
انھوں نے کہا کہ این اے دو چھیالیس کی نشست ایم کیوایم کی ہے اور عوام اپنے ضمیر کے مطابق ووٹ دیں۔
