راولپنڈی: شمالی وزیرستان میں عضب کے غضب کے وار جاری ہیں۔ تازہ کارروائی میں بیس دہشتگرد ہلاک ہو گئے۔ میر علی کی کلیئرنس کے دوران بارود ساز فیکٹری پکڑی گئی۔
شمالی وزیرستان میں جاری آپریشن ضرب عضب میں مسلسل پیشرفت جاری ہے۔ دہشتگردوں پر عضب کی غضب کے وار ہو رہے ہیں اور ماہ صیام میں پاک فوج کے جوان دہشتگردوں کے قلع قمع کرنے میں مسلسل سرخرو ہو رہے ہیں۔ آئی ایس پی آر کے مطابق شوال میں فضائی کارروائی کی گئی۔ جس میں بیس دہشت گرد ہلاک ہو گئے۔دہشت گردوں کے چار ٹھکانے تباہ کر دیے گئے۔ مارےجانےوالےدہشتگردوں میں غیر ملکی بھی شامل ہیں۔
پاک فوج کے جوانوں نے میرعلی میں گولہ بارود بنانےوالی فیکٹری پر قبضہ کر لیا۔ فیکٹری سے بھاری مقدارمیں گولہ بارود،اسلحہ اوربارودی سرنگیں برآمد ہوئی ہیں۔ اور غیرملکی کرنسی بھی ملی ہے۔ آئی ایس پی آر کا کہنا ہے میرعلی میں کلیئرنس آپریشن جاری ہے۔