22.3 C
Ashburn
اتوار, مئی 26, 2024
اشتہار

بیٹی کی پسند کی شادی سے ناراض اہلخانہ نے داماد کی ناک کاٹ دی

اشتہار

حیرت انگیز

بھارت میں بیٹی کی پسند کی شادی سے ناراض اہلخانہ نے داماد کو تشدد کا نشانہ بنانے کے بعد اس کی ناک کاٹ دی۔

بھارتی میڈیا رپورٹس کے مطابق ریاست راجستھان میں خاتون کے اہلخانہ بیٹی کی پسند کی شادی سے ناراض تھے اور انہوں نے مبینہ طور پر اس کے شوہر کو مارا پیٹا اور اس کی ناک کاٹ دی۔

پولیس نے بتایا کہ خاتون کے اہلخانہ نے جوڑے کو مبینہ طور پر گاڑی میں بٹھایا اور جھانور گاؤں کے قریب داماد کو تشدد کا نشانہ بنانے کے بعد اسے وہیں چھوڑ دیا۔

- Advertisement -

متاثرہ شخص نے گھر والوں کو واقعے کی اطلاع دی جس کے بعد اسے اسپتال منتقل کیا گیا۔

ایس ایچ او انیتا رانی کے مطابق خاتون کے دو بھائیوں سنیل اور دنیش سمیت پانچ افراد کے خلاف اغوا اور حملہ کرنے کا مقدمہ درج کیا گیا تھا۔

رپورٹ کے مطابق 23 سالہ چیلرام ٹاک اور ان کی بیوی اندرا نگر میں کرائے کے مکان میں رہائش پذیر ہیں جبکہ جوڑے کا تعلق جودھ پور کے جھانور گاؤں سے ہے، دونوں ایک دوسرے کو پسند کرتے ہیں اور رواں سال مارچ میں ان کی شادی ہوئی تھی۔

جمعرات کی رات خاتون کے گھر والے پالی میں ان کے گھر پہنچے اور کہا کہ انہیں شادی پر کوئی اعتراض نہیں ہے، خاتون کے اہلخانہ انہیں گاڑی میں بٹھا کر جودھ پور لے جانے لگے اور چلتی کار میں چیلرام کو تشدد کا نشانہ بنانے کے بعد اس کی ناک کاٹی پھر اسے وہیں چھوڑ دیا اور بیٹی کو ساتھ لے گئے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں