اسلام آباد: تحریک انصاف کے رہنما اسد عمر نے کہا ہے کہ پاکستان کی نوجوان نسل میں بھر پورصلاحیتں ہیں جن کو بروئے کار لا کر پاکستان کی ترقی میں اہم کردار ادا کیا جا سکتا ہے۔
اسلام آباد میں ایک نجی یونیورسٹی کے سیمینارسے خطاب کرتے ہوئے اسد عمر نے کہا کہ قابل افراد ہی اچھے اداروں کی بنیاد رکھتے ہیں اور اچھے ادارے بڑے لوگ پیدا کرتے ہیں۔
انھوں نے کہا کہ میں نجی کمپنی کے سربراہ کی حیثیت سے 70لاکھ روپے ماہانہ کما رہا تھا لیکن رکن قومی اسمبلی بننے کے بعد صرف 70ہزار ماہوار پر کا م کر رہا ہوں جو کہ خالصتاملک کی خد مت کے لیے ہے۔
انہوں نے کہا کہ میں اپنی زیر تکمیل کتاب کا نام بھی” 70 لاکھ سے 70 ہزار تک "رکھنا چاہتا ہوں، انہوں نے کہا کہ زیادہ سے زیادہ نوجوانوں کو اپنا کاروبار شروع کرنا چاہیئے کیونکہ اس میں ترقی اور کامیابی کے امکانات زیادہ ہوتے ہیں،آخر میں انھوں نے شرکاء میں انعامات اورشیلڈز تقسیم کیں۔
