اہلسنت والجماعت نے اسلام آباد میں نامعلوم افراد کی فائرنگ سے جاں بحق رہنماؤں کی نماز جنازہ احتجاج کے طور پر اقوام متحدہ دفتر کے سامنے ادا کریں گے، اسلام آباد میں سیکیورٹی الرٹ کر دی گئی۔
اسلام آباد کے سیکٹر آئی ایٹ میں نامعلوم مسلح موٹر سائیکل سواروں نے اہلسنت والجماعت اسلام آباد کے جنرل سیکریٹری مفتی منیر معاویہ کی گاڑی پر فائرنگ کردی، جس کے نتیجے میں مفتی منیر معاویہ اور ان کے ساتھ اسد محمود موقع پر ہی جاں بحق ہوگئے۔
اہلسنت والجماعت کے کارکنوں نے قتل کے واقعے احتجاج کیا، آئی جی اسلام آباد سکندر حیات کا کہنا ہے کہ مفتی منیر کا قتل ٹارگٹ کلنگ کا واقعہ لگتا ہے، مولانا مسعود الرحمان کا کہنا ہے کہ مفتی منیرمعاویہ کی نمازجنازہ آج اقوام متحدہ کے دفترسامنے اداکی جائے گی۔
ان کا کہنا تھا کہ دھمکیوں کے باوجود مفتی منیرمعاویہ کوسکیورٹی نہیں دی گئی، اسلام آباد کے سیکٹر آئی ٹین ٹو میں پولیس اہلکاروں پر موٹر سائیکل سواروں کی فائرنگ سے ایک اہلکار جاں بحق اور ایک شدید زخمی ہوگیا۔
پولیس نے راولپنڈی کے علاقے حسن ابدال سے چار مبینہ دہشت گردوں کو گرفتار کرکے اسلحہ برآمد کرلیا، گرفتارافراد سے مزید تفتیش کی جارہی ہے۔
