ایبولا وائرس کی تشخیص کےلئے سوٹ کیس سائز کی ایک ایسی لیبارٹری تیار کی گئی ہے جس کی مدد سے صرف پندرہ منٹ میں مریض میں ایبولا وائرس کی موجودگی کا پتہ لگایا جا سکےگا۔
سائنسدانوں کا کہنا ہے کہ خون اور تھوک کے نمونوں کے ٹیسٹ سے صرف پندرہ منٹ میں کسی بھی مریض میں موجود ایبولا وائرس کا پتہ لگایا جاسکتا ہے جس سے نہ صرف فوری مریض کا علاج ممکن ہوگا بلکہ اس سے وائرس کی منتقلی کو بھی کنٹرول کرنے میں مدد ملے گی۔
دور افتادہ علاقوں کے اسپتالوں جہاں طبی سہولیات کی کمی ہے وہاں ایبولا کے ٹیسٹ کے لیے سوٹ کیس سائز کی یہ لیبارٹری بے حد مفید ثابت ہو گی۔
