اسلام آباد : وزیرداخلہ نے وزیراعلیٰ سندھ سید قائم علی شاہ سے فون پر رابطہ کیا اور کہا کہ ایف آئی اےکودیئےگئےاختیارات سندھ کیلئےمخصوص نہیں۔
ایف آئی اے کو تحفط پاکستان قانون کے تحت دیئےگئےحالیہ اختیارات پر وزیر اعلیٰ سندھ نے تحفظات کا اظہار کیا تو وزیر داخلہ نے قائم علی شاہ سے فون پر رابطہ کرلیا ۔
چوہدری نثار کا کہنا تھا کہ ایف آئی کے اختیارات محض سندھ کیلئے مخصوص نہیں ایف آئی اے کواختیارات دینےکابنیادی مقصدان جرائم کی تحقیقات کی ذمہ داری سونپناہےجو بین الاقوامی یابین الصوبائی ہیں اورجو تمام صوبوں کی پولیس کے دائرہ کارسے باہر ہیں ۔
انہوں نے کہا کہ صوبائی خودمختاری کا احترام کرتے ہیں اور کسی صوبے کو اس حوالے سے تحفظات نہیں ہونے چاہئیں۔
