کراچی: متحدہ قومی قومی موومنٹ کے رہنماء عامر خان کو سینٹرل جیل سے ضمانت پررہا کردیا گیا۔
تفصیلات کے مطابق اہم کیو ایم کے رہنماء عامرخان کو آج دوپہرانسدادِ دہشت گردی کی عدالت پر کراچی کی سینٹرل جیل سے رہا کیا گیا، عدالت نے گزشتہ روز انہیں رہا کرنے کا حکم نامہ جاری کیا گیا تھا۔
عامر خان کو 11 مارچ 2015 کو متحدہ قومی موومنٹ کے مرکزنائن زیرو پر رینجرز کے چھاپے کے دوران حراست میں لیا گیا تھا۔
عامرخان پر الزام تھا کہ انہوں نے مبینہ ٹارگٹ کلرز کو اپنی حفاظتی تحویل میں رکھا ہوا تھا اور ان کی معاونت کررہے تھے۔
انسدادِ دہشت گردی کی عدالت نے عامر خان کو 90روز کے لئے جسمانی ریمانڈ پررینجرز کے حوالے کیا تھا۔
ذرائع کے مطابق رینجرزکی جانب سے ناکافی شواہد پیش کرنے اور ریڈ میں شریک رینجرز اہلکاروں کے بطورِگواہ عدالت میں نا پیش ہونے کے سبب ضمانت پر رہا کیا گیا۔
عدالتی حکم پر عامر خان کی جانب سے 10 لاکھ روپے زرِضمانت کے مچلکے جمع کرائے گئے ہیں اوررہائی کے حکم نامے میں پابند کیا ہے کہ وہ ملک نہیں چھوڑیں گے۔
عامرخان رہائی پاتے ہی ایم کیو ایم کے مرکز نائن زیرو پہنچے جہاں کارکنان ان کی رہائی کی خبرسن کرجمع ہونا شروع ہوگئے تھے اوران کی آمد پر ایک جشن کا سا منظرتھا۔
#MQM RC member Amir Khan has been released. Court accepted that investigation against him is poor & unacceptable pic.twitter.com/saVd8Due6B
— Mustafa Azizabadi (@azizabadi) June 30, 2015
