وائٹ ہاؤس کے ترجمان جے کارنی نے سابق امریکی اہلکار ایڈورڈ اسنوڈن کو خفیہ معلومات افشا کرنے پرعام معافی دینے کی تجویز مسترد کر دی ہے۔
امریکی خفیہ پروگرام کے نگران ریک لیگٹ کی جانب سے اسنوڈن کو معلومات فراہم کرنے پر معافی کی تجویز پیش کی گئی تھی، جے کارنی کا کہنا تھا کہ اسنوڈن کو امریکہ واپس آکر عائد الزامات کا سامنا کرنا ہوگا، امریکہ اس معاملے میں موقف تبدیل نہیں کرے گا، سابق امریکی اہلکار ایڈورڈ اسنوڈن پر خفیہ امریکی معلومات فاش کرنے اور غداری کے الزامات ہیں، ایڈورڈ اسنوڈن کو روس میں عارضی پناہ حاصل ہے اور خفیہ راز افشا کرنے کا بھی سلسلہ جاری ہے۔
