کراچی :انا للہ واناالیہ راجعون، اے آر وائی کے روح رواں حاجی جان محمد کی اہلیہ مریم بائی انتقال کر گئیں، نمازِجنازہ بعد نمازِ مغرب رحمانیہ مسجد طارق روڈ میں ادا کی جائے گی، تدفین سوسائٹی قبرستان میں ہوگی۔
جان محمد، مرحوم حاجی عبدالرزاق یعقوب اور حاجی محمد اقبال کے بڑے بھائی ہیں، حاجی جان محمد،حاجی عبدالرؤف کے بھی بڑے بھائی ہیں۔
حاجی جان محمد کی اہلیہ مریم بائی کے سوگواران میں صاحبزادے شعیب جان محمد، بھتیجے سلمان اقبال اور محبوب رؤف شامل ہیں۔
ڈاکٹر طاہرالقادری نے حاجی جان محمد کی اہلیہ کے انتقال پر اظہارِ افسوس کیا اور سوگوار خاندان کے ساتھ تعزیت کا اظہار اور مرحومہ کے درجات کی بلندی کیلئے دعا کی۔
مرکزی صدر ڈاکٹر رحیق عباسی نے سلمان اقبال سے فون پر تعزیت کا اظہار کیا، وزیراعلیٰ سندھ سید قائم علی شاہ نے حاجی جان محمد کی اہلیہ محترمہ مریم بائی کے انتقال پر اظہار تعزیت کیا ۔
اے آر وائی نیوز چینل کے روح رواں حاجی جان محمد کی اہلیہ محترمہ مریم بائی کے انتقال پر الطاف حسین کا اظہار افسوس کیا۔
الطاف حسین نے مرحومہ کے سوگوار لواحقین اور اے آر وائی نیوز چینل کے عہدیداران اور عملے کے اراکین سے دلی تعزیت کا اظہار کیا۔
