کراچی: اے آروائی نیوز نے محکمہ ریلوے کو جگا دیا اور محکمہ ریلوے نے پارسل کی تلاشی کا نیا نظام متعارف کرادیا ہے۔ کلیئرنس اسٹیکر کے بغیر سامان اندرون ملک نہیں بھیجا جاسکے گا۔
اے آر وائی نیوز کے پروگرام سر عام کی ٹیم کی حق اور سچ کیلئے کی گئی محنت رنگ لے آئی ہے۔ پاکستان ریلوے نے پارسل کی تلاشی کا نیا نظام متعارف کرادیا ہے۔ جس کے تحت ریلوے پولیس اور بم ڈسپوزل اسکواڈ سامان کی جانچ کریں گے۔
تلاشی کے عمل سے گزرنیوالے سامان پرریلوے پولیس اسٹیکر چسپاں کرے گی۔ ریلوے پولیس کے مطابق کلیئرنس اسٹیکرکے بغیر سامان اندرون ملک نہیں بھیجاجاسکے گا۔
تلاشی کے نئے نظام کامقصد ممنوع اشیا کی غیرقانونی نقل وحمل روکنا ہے۔ کچھ روز قبل اے آروائی نیوز سر عام کی ٹیم نے محکمہ ریلوے کی کرپشن کو بے نقاب کیا تھا۔ جس کے بعد محکمہ ریلوے کی پارسل کی تلاشی کا نیا نظام متعارف کروایا ہے۔
