خیر پور : پولیس نے حویلی میں فاطمہ کا علاج کرنے والا ڈسپنسر گرفتار کرلیا اور تفتیش کررہی ہے کہ پیرعبدالقادر شاہ نےحویلی میں بچی کا ڈسپنسر سے علاج کیوں کروایا۔
تفصیلات کے مطابق خیرپور میں رانی پور کی حویلی میں فاطمہ کے علاج کی ویڈیوز وائرل ہونے پر پولیس نے تفتیش کا دائرہ وسیع کردیا۔
پولیس نے حویلی میں فاطمہ کا علاج کرنے والےڈسپنسر کوگرفتارکرلیا، ایس ایس پی روحل کھوسو نے بتایا کہ گرفتار ڈسپنسر امتیازسےتفتیش کی جارہی ہے۔
دوسری جانب پولیس اس معاملے کی بھی تفتیش کررہی ہے کہ پیرعبدالقادر شاہ نےحویلی میں بچی کاڈسپنسرسےعلاج کیوں کروایا۔
گذشتہ روز نوشہروفیروز میں تحقیقات کیلئے بنائی جانے والی ٹیم نے کمسن فاطمہ کے گھر کا دورہ کیا تھا ، تحقیقاتی ٹیم نے فاطمہ کے گھر سے کفن کے کپڑوں کو تحویل میں لے لیا۔
اہل خانہ نے کمسن فاطمہ کے کپڑوں کو تدفین سے قبل گھر کے احاطے میں دفن کیا گیا تھا۔
