کراچی : لانڈھی میں موٹرسائیکل کے پھسلنے سے گرنے والی ماں بیٹی کو ٹرک نے کچل ڈالا جبکہ بیٹا شدید زخمی ہوگیا،حادثہ کا شکار افراد رشتہ داروں سےمل کرگھرواپس جارہےتھے۔
تفصیلات کے مطابق کراچی کے علاقے لانڈھی فردوس کالونی میں نجی کمپنی کے قریب المناک ٹریفک حادثہ پیش آیا ، حادثےمیں ماں،بیٹی جاں بحق اور بیٹاشدید زخمی ہوگیا۔
ریسکیو ذرائع کا کہنا ہے کہ جاں بحق ہونےوالوں میں50سالہ روبیا ناز،25سالہ آصفہ شامل ہیں جبکہ خمی کی شناخت30سالہ کاشف کےنام سے ہوئی،عینی شاہد کا کہنا ہے کہ متوفی لانڈھی فردوس کالونی میں رشتہ داروں سے مل کر گھر جا رہے تھے۔
کراچی:جاں بحق ہونے والے افراد شاہ فیصل کالونی کےرہائشی تھے،پولیس
حادثہ موٹرسائیکل سلپ ہونے کے باعث پیش آیا، موٹرسائیکل اسپیڈبریکرپرسلپ ہوئی اور موٹرسائیکل سوار کے سڑک پر گرتے ہی پیچھے سے آنے والا ٹریلر کا پچھلا حصہ چڑھ گیا، ،جاں بحق ہونے والےافراد شاہ فیصل کالونی کےرہائشی تھے/
پولیس کا کہنا ہے کہ ٹریلر ڈرائیور مراد کو حراست میں لیکر تھانے منتقل کردیا ہے۔
