کراچی : پاکستانی نژاد برطانوی باکسر عامر خان سونے سے بنا باکسنگ شارٹس پشاور کے سانحے میں تباہ ہونے اسکول کی تعمیر نو کیلئے عطیہ کرینگے۔
پشاور کے آرمی پبلک اسکول میں ہونے والے سانحہ نے پوری دینا کو افسردہ کردیا ہے، پاکستانی نژاد برطانوی باکسر عامر خان بھی اس سانحے پر غمگین ہیں اور انھوں نے اپنا قیمتی شارٹس عطیہ کرنے کا فیصلہ کیا ہے تاکہ تباہ شدہ اسکول کی از سرنو تعمیر اور سیکورٹی انتظامات پر ہونے والے اخراجات ادا کیے جاسکیں، عامر خان نے سونے کے دھاگوں سے بنا سینتالیس لاکھ روپے مالیت کا شارٹس امریکی حریف ڈیوان ایلگزینڈر کیخلاف فائٹ میں پہنا تھا۔
