اسلام آباد: حکومت کی جانب سے افراطِ زر کو مدِ نظر رکھتے ہوئے آئندہ مالی سال کے بجٹ میں ملازمین کی تنخواہوں میں اضافہ متوقع ہے۔
آئندہ مالی سال کیلئے بجٹ کی تیاریاں زور وشور سے جاری ہیں، وزارتِ خزانہ نے سرکاری ملازمین کی تنخواہوں میں اضافے کیلئے تجاویز طلب کرلی ہیں۔
رواں مالی سال کے اختتام تک ملک میں افراطِ زر کی شرح پانچ سے چھ فیصد تک رہنے کی امید ہے۔
- Advertisement -
ماہرین کے مطابق اس تجویز کے مطابق سرکاری ملازمین کی تنخواہوں میں معمولی اضافے کا امکان ہے، زرائع کے مطابق تنخواہوں میں معمولی اضافہ کی صورت میں دیگر الاوُنسسز بڑھا کر ریلیف دیے جانے کا امکان ہے۔
سرکاری ملازمین کے پے اسکیل پر نظر ثانی کا معاملہ التواء کا شکار ہوسکتا ہے اور توقع ہے کہ آئندہ مالی سال کے بجٹ میں اس معاملے پر کمیشن بنائے جانے کا امکان ہے۔
