برازیل: سالانہ فیشن ویک کی رنگینیاں جاری ہیں، فیشن ویک میں معروف ڈیزائنرز کے بنائے ہوئے موسم سرما کے ملبوسات کی نمائش نے شائقین کے دل جیت لئے ہیں۔
برازیل میں سالانہ فیشن ویک پوری آب و تاب کے ساتھ جاری ہے، فیشن ویک کے دوسرے روز معروف ڈیزائنرز کے بنائے ہوئے موسم سرما کے ملبوسات کی نمائش کی گئی، برازیل کے ڈیزائنر برانڈ کولچی کے ملبوسات کو سب سے زیادہ پذیرائی ملی۔
ڈیزائنر کے سلک کاٹن اور لینن سے بنے ملبوسات کو شائقین نے خوب پسند کیا، ساؤ پالو میں ہونے والے فیشن ویک میں دنیا بھر سے ماڈلز شرکت کر رہی ہیں۔
- Advertisement -
ٹاپ ماڈلز نے جب دیدہ زیب اور رنگا رنگ لباس زیب تن کئے ریمپ پر واک کی تو دیکھنے والے داد دئیے بغیر نہ رہ سکے۔
