کراچی: سندھ کے سابق وزیرِاعلیٰ ارباب غلام رحیم نے انکشاف کیا ہے کہ پاکستان پیپلزپارٹی کے چیئرمین بلاول بھٹو زرداری جلد پاکستان مسلم لیگ ن میں شمولیت اختیارکریں گے۔
سندھ اسمبلی کےباہرمیڈیا سے گفتگو کرتے ہوئے انہوں نے میڈیا کو پاکستان مسلم لیگ فنکشنل کے سابق سربراہ پیر صاحب پگارا کی پیشن گوئی بھی یاد دلائی جس کے مطابق بلاول اپنی پارٹی چھوڑکر مسلم لیگ ن میں چلے جائیں گے۔
انہوں نے متحدہ قومی موومنٹ اورمسلم لیگ فنکشنل کے حوالے سے کہا کہ سندھ کے مفاد میں دونوں جماعتوں کا موٗقف ایک ہونا چاہیئے۔
واضح رہے کہ بلاول بھٹو اورسابق صدرآصف علی زرداری کے درمیان اختلافات کی افواہیں کئی دنوں سے گردش کررہی ہیں۔
