کراچی: ہیٹ اسٹروک سے متاثرہ مریضوں کی عیادت کے لئے پیپلزپارٹی کے چئیرمین بلاول بھٹو زرداری نے دس روز بعد سول اسپتال کا دورہ کیا، اس موقع پروزیراعلیٰ سندھ بھی ان کے ہمراہ تھے۔
واضح رہے کہ گزشتہ دس روز میں کراچی میں شدید گرمی سے ہلاکتوں کی تعداد بارہ سو سے تجاوز کرگئی ہے اور اس موقع پر حکومتی کارکردگی نہ ہونے کے برابر دکھائی دی ہے۔
پیپلز پارٹی کے چیئرمین بلاول بھٹو زرداری اپنے پروٹوکول کے ہمراہ مریضوں کی عیادت کرنے سول اسپتال پہنچے، بلاول کے ہمراہ سندھ کے وزیراعلیٰ سید قائم علی شاہ، شیری رحمان اورصوبائی وزیرصحت جام مہتاب ڈہربھی تھے۔
بلاول بھٹو زرداری نے سول اسپتال کےمختلف وارڈز کا دورہ کیا اورہیٹ اسٹروک مریضوں کی عیادت کی اوران کا حال واحوال معلوم کیا۔
مریضوں کو بہترطبی امدادکی ہدایت کرکے پیپلزپارٹی کے چئیرمین بلاول بھٹو زرداری اسپتال سے روانہ ہوگئے۔
