بنگلہ دیش میں عام انتخابات سے قبل اپوزیشن کے حامیوں کی بڑی تعداد کو حراست میں لے لیا گیا ہے۔
میڈیا رپورٹس کے مطابق بنگلہ دیش میں سیاسی کشیدگی تاحال برقرار ہے، فورسز نے بڑے پیمانے پرحکومت مخالف مارچ کو روکنے کے لئے اپوزیشن کے حامیوں کے خلاف کریک ڈائون شروع کردیا ہے۔
گزشتہ دودنوں میں حزب اختلاف کے سات سو سے زائد افراد کو ملک بھر سے کارروائیوں کے دوران گرفتار کیا گیا۔ یاد رہے کہ حزب اختلاف کی رہنما خالدہ ضیاء اور ان کے اتحادیوں نے پانچ جنوری کو منعقد ہونے والے انتخابات کے بائیکاٹ کا اعلان کیا ہے۔
