اسلام آباد: وزیر داخلہ چوہدری نثار علی خان نے کہا ہے کہ ہماری امن کی خواہش کو بھارت کمزوری نہ سمجھے۔
چوہدری نثار کا کہنا تھا کہ بھارتی قیادت پاکستان کی ترقی اورخوشحالی سے خوش نہیں، بھارت کے وزیر دفاع نے پاکستان میں دہشتگردی کی ذمہ داری قبول کی ہے۔
ان کا کہنا تھا کہ اقتصادی راہداری پرہرزہ سرائی سے بھارت کااصل چہرہ سامنےآگیاہے۔
انہوں نے کہا کہ پاک چین راہداری میں رکاوٹ خطے کی ترقی میں رکاوٹ کے مترادف ہے۔
ان کا کہنا تھا کہ بھارت پاکستان کوعدم استحکام سے دوچارکرناچاہتاہے۔
