نئی دہلی: بھارتی پولیس نے اورنگ آباد میں 21 سالہ اداکارہ کو زیادتی کا نشانہ بنانے کے جرم میں ایک شخص کو گرفتارکرلیا۔
تفصیلات کے مطابق نوجوان اداکارہ مراٹھی فلم ’لہن پن‘ کی شوٹنگ کے لئے ضلع پیتھان میں موجود تھی جہاں مبینہ طور پر یہ افسوس ناک واقعہ پیش آیا۔
مقامی پولیس کے مطابق اداکارہ گزشتہ دو ماہ سے اورنگ آباد میں اپنے معاوضے کی ادائیگی کے انتظار میں مقیم تھی۔،
اتوار کے روز اس نے فلم ڈائریکٹر آنند مگھادے کے دوست گووند چتلانگے سے کہ جس نے اسے فلم میں کام دلوایا تھا معاوضے کا مطالبہ کیا، ملزم پیسے دینے کے بہانے اسے اورنگ آباد سے 56 کلومیٹر کے فاصلے پر پیتھان لے گیا جہاں مبینہ طور پر اس نے لڑکی کو چار ساتھیوں کے ہمراہ جنسی زیادتی کا نشانہ بنایا۔
پولیس نے گووند چتلانگے کو گرفتار کرلیا ہے جبکہ واقعے میں ملوث اس کے دیگر چارساتھیوں کی تلاش جاری ہے۔
