اسلام آباد : پاکستان تحریک انصاف نے بھارتی اشتعال انگیز ی کے جواب میں آرمی چیف جنرل راحیل شریف کے بیانات کا خیر مقدم کرتے ہوئے کہا ہے کہ آرمی چیف کا بیان قابل تعریف ہے۔
حکومت آرمی چیف کے بیان کا انتظار کرنے کی بجائے اپنے اندر جرات پیدا کرتی تو اچھا ہوتا، ترجمان عمران خان شیریں مزاری نے اپنے بیان میں کہا ہے کہ بھارتی وزیر کے بیانات پر حکومت پاکستان کی خاموشی شرمناک ہے۔
آرمی چیف کی جانب سے دیئے گئے بیان پر تبصرہ کرتے ہوئے شیری مزاری نے کہا کہ جنرل راحیل شریف نے بھارت کو منہ توڑ جواب دیا ہے جبکہ ان کا دلیرانہ بیان قابل تعریف ہے۔
شیریں مزاری نے مزید کہا کہ بھارتی وزیرکی دھمکی کا جواب حکومت کو دینا چاہئے تھا۔
