نئی دلی: روس کے صدرولادی میرپیوٹن نے کہا ہےکہ روس بھارت کے ساتھ فوجی منصوبوں کو مزید وسعت دے گا۔
بھارتی وزیراعظم نریندرمودی کے ساتھ مشترکہ بریفنگ سے خطاب میں روسی صدرنے کہا کہ روس اوربھارت مل کر لڑاکا اور ٹرانسپورٹ طیارے بنائیں گے۔ بھارت کے لئے بیس نئے نیوکلئیرپاورپلانٹس کے ڈیزائن پرکام کررہے ہیں۔ انہوں نے کہا کہ بھارت سے سیاسی اورمعاشی روابط کو مزید فروغ دیا جائے گا۔ پیوٹن کا کہنا تھا کہ شام اورعراق میں جاری بدامنی کے خاتمے کے حق میں ہیں۔
