نئی دہلی: بھارتی شہرپونے میں شدید بارش کے باعث لینڈسلائیڈنگ سے اکتیس افراد ہلاک ہوگئے اورپچاس سے زائد مکانات منہدم ہوگئے۔
بھارتی میڈیا کے مطابق پونے شہرکے قصبے امبی گاؤں میں لینڈسلائیڈنگ کے بعد ملبے تلے دبے ایک سواٹھاون افراد کونکالنے کے لئے ریسکیوآپریشن جاری ہے جس میں تین سوسے زائد امدادی کارکنان حصہ لے رہے ہیں۔
خراب موسم کی وجہ سے امدادی کارکنوں کو مشکلات کا سامنا ہے۔ حکام کا کہنا ہے کہ ملبے تلے افراد کو نکالنے میں وقت لگ سکتا ہےاورہلاکتوں میں اضافے کا خدشہ ظاہرکیا ہے۔
