لبنانی سرحدی علاقے ارسل میں شامی باغیوں کی جانب سے میزائل حملہ کیا گیا، جس کے نتیجے میں سات افراد ہلاک پندرہ زخمی ہوگئے۔
شام میں تین سال سے جاری خانہ جنگی میں شدت آگئی ہے، شام کے صدر بشار الاسد سے برسر پیکار باغیوں نے ملک کے اندر حملوں کے ساتھ ہی بشار الاسد کے حمایتی پڑوسی ملکوں پر بھی راکٹ برسانے شروع کردیئے ہیں۔
لبنانی سرحد کے قریب ایک حملے میں سات افراد جاں بحق ہوگئے، جن میں بچے بھی شامل ہیں جبکہ متعدد افراد زخمی ہیں، جنہیں علاج معالجے کے لئے اسپتال منتقل کردیا گیا ہے۔
