وفاقی وزیرمذہبی امور سردارمحمد یوسف نے کہا ہے کہ تحریک طالبان سامنے آئے تو بات چیت ہو ٹیلی فون پر کیسے معاملات طے ہونگے۔

حیدرآباد میں میڈیا سے گفتگو میں وفاقی وزیرمذہبی امورسردارمحمد یوسف کا کہنا تھا کہ تحریک طالبان سامنے آئے تو بات چیت ہو ٹیلی فون پر معاملات کیسے طے ہوں گے۔

ان کا کہنا تھا کہ ملک میں فرقہ وارانہ ہم آہنگی کیلئے ضابطہ اخلاق مرتب کیا جارہا ہے، لسانی بنیادوں پر صوبوں کی تشکیل کے حامی نہیں ہیں، انتظامی لحاظ سے صوبہ ہزارہ بنانے کے حق میں ہیں۔

کراچی میں خود کش حملے میں شہید ہونے والے ایس پی سی آئی ڈی چوہدری اسلم کو خراج تحسین پیش کرتے ان کا کہنا تھا کہ چوہدری اسلم شہید بہادر آدمی تھے، ان کی قربانی رائیگاں نہیں جائے گی۔
   

Comments