مٹھی : تھر کی صورتحال پر وزیرِاعلی قائم علی شاہ نے سندھ کابینہ کا اجلاس طلب کرلیا ہے، اجلاس میں آئندہ کی حکمت عملی کے ساتھ ہونے والی بے ضابطگیوں کا جائزہ لیا جائے گا۔
تھرمیں قحط سالی سے بڑھتی ہوئی اموات اور سندھ حکومت کی تشویش، بگڑتی صورتحال کو کیسے قابو میں لایا جائے، وزیرِاعلی سندھ قائم علی شاہ نے کابینہ کا اہم اجلاس مٹھی میں طلب کرلیا، اجلاس میں تھر کی مجموعی صورتحال پر غور کیا جائے گا۔
تھر کے قحط سے نمٹنے کیلئے عوامی نمائندے آئندہ کی حکمت عملی، حالیہ کئے جانے والے ریلیف کے کاموں کے ساتھ ہونے والی بے ضابطگیوں کا بھی جائزہ لیں گے جبکہ اجلاس میں تھر کے لیے خصوصی پیکج کا اعلان بھی متوقع ہے۔
ذرائع کے مطابق مطابق اجلاس میں وزراء اور متعلقہ افسروں کو شرکت یقینی بنانے کی ہدایت کی گئی ہے۔
