تھر: قحط نے آج تھر میں مزید چار بچوں کی جان لے لی، پچاسی دنوں میں اب تک دوسو سولہ بچے جان کی بازی ہار گئے۔
صحرائے تھر کی پیاس دو سو سے زیادہ بچوں کی جان لینے کے باوجود نہ بجھ سکی، بچوں کو بچانے کے لئے بڑے بڑے حکومتی اعلانات ہوئے دورے ہوئے لیکن کہیں بھی خاطر خواہ اقدامات نہیں کئے گئے، یہی وجہ ہے کہ اب تک اموات کا سلسلہ جاری ہے۔
غذائی قلت ہو یا ادویات کی کمی مٹھی کے سول اسپتال میں ایک نومولود دم توڑ گئی جبکہ سول اسپتال میں بھی ایک اور ماں کی گود سونی ہوگئی، ڈیپلو کے گاوں گھبن میں چار روزہ بچی نے دم توڑ دیا۔
- Advertisement -
ہرمانی کالونی میں بھی غذائی قلت نے چار روز بچہ کی جان لے لی، تھری واسیوں کا کہنا ہے کہ حکومتی عہدیداروں کے وعدوں اور دعوں سے ان کی مشکلات حل نہیں ہوسکے گی، مسائل کے حل کے لیے عملی اقدامات کرنے ہوں گے۔
