کراچی: جدید ترین قراقرم اواکس طیارہ پاک فضائیہ کےدستےمیں شامل ہوگیا۔
پاک فضاؤں کے دفاع کو ناقابل تسخیر بنانے کیلئے پاک فضائیہ کے اسکواڈرن فور کو جدید آلات سے لیس کردیا گیا، اس موقع پر کراچی میں پُروقار تقریب منعقد ہوئی۔
تقریب کے مہمان خصوصی وزیر اعظم نواز شریف کی آمد پر پاک فضائیہ کےچاک و چوبند دستے نےسلامی پیش کی، اس موقع پر فوجی بینڈ لہو گرمادینے والی دھنیں فضا میں بکھیرتا رہا۔
تقریب سے خطاب میں وزیر اعظم نواز شریف نے کہا کہ دہشتگردی کے خلاف جنگ میں پاک فضائیہ نے بری فوج کی راہیں ہموار کیں۔
پاک فضائیہ کے سربراہ ایئر کموڈور طاہر رفیق بٹ نے کہا کہ قراقرم اواکس طیارےکی پاک فضائیہ میں شمولیت قابل فخر بات ہے۔
وزیر اعظم نواز شریف نے اسکواڈرن فور میں شامل جدیدصلاحیتوں کے حامل قراقرم ایگل اواکس کا معائنہ بھی کیا، قراقرم ایگل اواکس طویل فاصلے سے بحری اور فضائی اہداف کو دیکھنے کی صلاحیت رکھتا ہے۔
