جمعرات, مئی 15, 2025
اشتہار

جیکب آباد: ریلوے ٹریک پر دھماکہ، انجن اور 3بوگیاں پٹری سے اترگئیں

اشتہار

حیرت انگیز

جیکب آباد: ریلوے ٹریک دھماکے سے اڑا دیا گیا، ٹریک سے گزرنے والی جعفر ایکسپریس کا انجن اور تین بوگیاں پٹری سے اترگئیں۔

پولیس کے ذرائع کے مطابق صدر تھانے کی حدود میں ریلوے ٹریک پر دھماکا ہوا، جس کے باعث ریلوے ٹریک پر پانچ فٹ گہرا گڑھا پڑ گیا، اس دوران ٹریک سے گزرنے والی جعفر ایکسپریس کا انجن اور تین بوگیاں پٹری سے اتر گئیں۔

پولیس حکام کے مطابق دھماکے سے کوئی مسافر زخمی نہیں ہوا، جعفر ایکسپریس راولپنڈی سے کوئٹہ جارہی تھی، حادثے کے باعث ٹرینوں کی آمدورفت کا سلسلہ معطل ہوگیا جبکہ امدادی ٹیمں موقع پر پہنچ گئیں۔

ریلوے ٹریک کو نقصان سے سندھ بلوچستان کے درمیان ٹرینوں کی آمدورفت معطل ہوگئی، وزیراعلی سندھ قائم علی شاہ نے واقعے کا نوٹس لیتے ہوئے ریلوے ٹریک کی بحالی کی ہدایت کی۔

وزیرِاعلی سندھ سید قائم علی شاہ نے جیکب آباد کے قریب ریلوے ٹریک پر دھماکہ کا نوٹس لیتے ہوئے آئی جی سندھ سے واقعے کی رپورٹ طلب کرلی ہے۔

وزیرِاعلی سندھ کا کہنا ہے کہ جیکب آباد ریلوے ٹریک پر دھماکا قابل مذمت ہے، مجرموں کو فوری طور پر گرفتار کیا جائے، ترجمان کے مطابق وزیرِاعلی نے کمشنر،ڈی آئی جی لاڑکانہ ،ایس ایس پی اور ضلعی انتظامیہ کو زخمیوں کے علاج اور ریسکیو کام شروع کرنے کی ہدایت جاری کی ہیں، ریلوے ٹریک کو فوری بحال کر کے مسافروں کو اپنی منزل پر روانہ کرنے کیلئے جلد اقدامات کیے جائیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں