دبئی: پاکستان کرکٹ ٹیم کے کپتان مصباح الحق کا کہنا ہے کہ نیوزی لینڈ کے خلاف جیت کا تمام کریڈٹ حارث سہیل اور آفریدی کو جاتا ہے۔
دبئی ون ڈے میں کیویز کو تین وکٹوں سے شکست دینے کے بعد کپتان مصباح الحق کی خوشی دیدنی تھی، نیوز کانفرنس کرتے ہوئے مصباح الحق کا کہنا تھا کہ حارث سہیل اور آفریدی کی جتنی تعریف کی جائے کم ہے، مصباح الحق کا کہنا ہے کہ ورلڈ کپ سے قبل یہ آخری سیریز ہے اس لئے اس میں تجربات کرنا چاہتے ہیں۔
مین آف دی میچ حارث سہیل کا کہنا ہے کہ ہیڈ کوچ وقار یونس اور بولنگ کوچ مشتاق احمد نے بہت سپورٹ کیا،والدین کی دعاؤں کی وجہ سے میچ میں بہترین پرفارمنس دکھاسکا۔
