کراچی : پیپلزپارٹی کے شریک چیئرمین آصف علی زرداری نے وفاقی بجٹ کو کسان اور عوام دشمن قرار دیتے ہوئے اسے مسترد کردیا ہے۔
وفاقی بجٹ پر تبصرہ کرتےہوئے آصف علی زرداری نے کہا کہ حکومت غریب آدمی کیلئے کوئی پالیسی نہیں لاسکی،نواز لیگ کی حکومت عوام دوست بجٹ دینے میں ناکام ہوگئی ہے۔
انہوں نے کہا کہ کم تنخواہ والے ملازمین بجٹ سے مایوس ہوئے جبکہ اس میں امیروں کو خوش کرنے کے اعلانات موجود ہیں۔
انہوں نے مطالبہ کیا کہ وفاقی حکومت نے اٹھائیس مئی کی کل جماعتی کانفرنس میں جو وعدے کئے تھے وہ پورے کرے۔
