حیدر آباد : محمکہ انسداد دہشت گردی (سی ٹی ڈی) کی ٹیم نے المنظر کے قریب سے دو دہشت گردوں کو گرفتار کرلیا، دہشت گرد رینجرز کی گاڑیوں کو نشانہ بنانا چاہتے تھے۔
تفصیلات کے مطابق حیدرآباد میں دہشت گردی کی کوشش ناکام بنا دی گئی، محمکہ انسداد دہشت گردی (سی ٹی ڈی) کی ٹیم نے کارروائی کرتے ہوئے کہ المنظر کے قریب سے دو دہشت گردوں کو گرفتار کرلیا۔
ترجمان نے بتایا کہ دہشت گرد رینجرز کی گاڑیوں کو نشانہ بنانا چاہتے تھے، دہشت گردوں سے دو دستی بم، بارودی مواد اور نقدی برآمد ہوئی ہے اور دہشت گردوں کی شناخت تاج محمد اور پریل کے نام سے ہوئی ہے۔
مزید پڑھیں : دہشت گردی کی منصوبہ بندی میں مصروف دہشت گرد پکڑا گیا
یاد رہے گذشتہ سال نومبر میں حیدر آباد میں سی ٹی ڈی اور پولیس نے مشترکہ کارروائی کے دوران ایک کالعدم تنظیم کے دہشت گرد کو گرفتار کیا تھا۔
حکام نے بتایا تھا کہ دہشت گرد سے دستی بم، آئی ای ڈی بنانے کے آلات برآمد ہوئے ہیں جبکہ بال بیئرنگ، بیٹری، ریموٹ کنٹرول، ٹیپ اور دیگر سامان بھی برآمد ہوا تھا۔
حکام کا کہنا تھا کہ گرفتار دہشت گرد کی شناخت ایاز جنجہ کے نام سے ہوئی ہے، دہشت گرد علاقے میں دہشت گردی کا منصوبہ بنا رہا تھا۔
