متحدہ قومی موومنٹ آج صوبے میں سیاسی جمود توڑنے جا رہی ہے اور اس سلسلہ میں پہلا جلسہ حیدر آباد کے باغ مصطفیٰ گرائونڈ میں ہورہا ہے، جہاں ایم کیو ایم کے قائد الطاف حسین اہم ٹیلی فونک خطاب کریں گے۔
حیدر آباد میں آج الطاف حسین کا خطاب ہوگا، اس سلسلہ میں باغ مصطفیٰ گراؤنڈ کو دلہن کی طرح سجا دیا گیا ہے، جلسے کی تیاریوں کے حوالے سے لوگوں میں بھی جوش و خروش پایا جاتا ہے۔
جلسے کے لئے تمام انتظامات مکمل کر لئے گئے ہیں اور جلسہ گاہ میں عوام کی آمد جاری ہے، اس موقع پر سیکورٹی کے سخت اقدامات کئے گئے ہیں، جلسہ میں آنیوالے شرکاء کی جامہ تلاشی لی جائے گی، جلسہ گاہ میں ایم کیو ایم رابطہ کمیٹی کے اراکین اور قومی و صوبائی اسمبلیوں کے ارکان بھی موجود ہیں۔
