لندن :ایم کیوایم کے قائد الطاف حسین نے وفاقی وزیر دفاع خواجہ آصف کو مخاطب کرتے ہوئے کہا ہے کہ لوڈ شیڈنگ ایم کیو ایم کو بھی کرنی آتی ہے۔
کراچی میں کارکنوں سے خطاب میں الطاف حسین کا کہنا تھا کہ ایم کیوایم کو ختم کرنے کی سازش کی جارہی ہیں، ایم کیوایم کے خلاف جھوٹا پروپیگنڈا کیا جارہا ہے مگر سازشیں الطاف حسین کو لوگوں کے دلوں سے نہیں نکال سکتیں۔
ایم کیو ایم کو ختم کرنے کیلئے سینتیس سال سے سینتیس ہزارسازشیں کی گئیں، الطاف حسین کا کہنا تھا کہ وزیرِداخلہ چوہدری کل پھر برطانوی ہائی کمشنر سے ملاقات کریں اور وزیرِخزانہ اسحاق ڈار کی منی لانڈرنگ کا بتائیں۔
اس سے قبل خواجہ آصف نے اے آر وائی نیوز کے پروگرام آف دی ریکارڈ میں آن ریکارڈ کہا کہ وہ کسی دھمکی سے ڈر کر ملک نہیں چھوڑیں گے، انھوں نے کہا کہ منی لانڈرنگ اورعمران فاروق قتل کیس کے بعدایم کیوایم کے خلاف ایک نیا الزام بھی سامنےآگیا ہے اور تفتیش کے تمام راستے لندن میں الطاف حسین تک جاتے ہیں۔
