پشاور: خیبرپختونخوا میں بلدیاتی انتخابات مرحلہ وارمارچ کے آخر میں کرانے کا فیصلہ کرلیا گیا ہے۔
الیکشن کمیشن کے ذرائع کے مطابق خیبرپختونخوا میں بلدیاتی انتخابات تین مراحل میں کرائے جائیں گے، اس سلسلے میں نومبر میں ووٹرز کی فہرستوں کی تیاری شروع کردی جائے گی۔
ذرائع نے بتایا ہے کہ بلدیاتی انتخابات کا شیڈول جنوری میں جا ری کیا جائے گا، بلدیاتی انتخبات کیلئے 10 کروڑ بیلٹ پیپرچھاپے جائیں گے۔ اس کے علاوہ 12 لاکھ کاغذات نا مزدگی کی چھپائی ہوگی۔
ذرائع کے مطابق خیبرپختو نخوا میں بلدیاتی انتخابات مارچ کے آخر میں ہونگے اوربائیو میٹرک سسٹم کا استعمال صرف ہری پورکی تحصیل غازی میں کیا جائے گا۔
