اسلام آباد: تحریکِ انصاف کے سربراہ عمران خان نے اعلان کیا ہےکہ خیبر پختونخوا میں بلدیاتی انتخابات نومبر میں کرائیے جائیں گے۔
دھرنے کے شرکاء سے خطاب کرتے ہوئے عمران خان کا کہنا تھا کہ الیکشن اپریل میں کرانا چاہتے تھے تاہم سپریم کورٹ نے نومبر کا وقت دیا، کپتان نے غیر ملکی امداد پر تنقید کرتے ہوئے کہا کہ غیر ملکی امداد ملک کےلیے بڑی لعنت ہے۔
عمران خان نےکہا کہ جب تک مجرم کو سزا نہیں دی جاتی جرائم کا خاتمہ نہیں ہو سکتا، تحریکِ انصاف کے سربراہ کا کہنا تھا کہ ان کی جماعت ایک پُرامن جماعت ہے ملک میں انتشار نہیں چاہتے۔
