لاہور: پاکستان کرکٹ ٹیم کے دورہ بنگلہ دیش کے شیڈول کا اعلان آج ہونے کا امکان ہے۔
دورہ بنگلہ دیش کے لئے قومی اسکواڈ کا اعلان تو ہوگیا لیکن شیڈول کو حتمی شکل ابھی تک نہیں دی گئی، دونوں بورڈز کے درمیان مالی امور میں کچھ ڈیڈ لاک برقرار ہے۔ امید ہے معاملات حل ہونے کے بعد شیڈول کا اعلان آج کردیا جائے گا۔
ذرائع کے مطابق گرین شرٹس تین ون ڈے، دو ٹیسٹ اور ایک ٹی ٹوئنٹی کی سیریز کھیلنے کیلئے تیرہ اپریل کو ڈھاکہ پہنچے گی۔
وارم اپ میچ پندرہ اپریل کو ہوگا۔
ون ڈے سیریز کا آغاز سترہ اپریل کو میرپور کے شیربنگلہ اسٹیڈیم میں ہوگا، دیگر دو ون ڈے انیس اور بائیس اپریل کو کھیلے جائیں گے، واحد ٹی ٹوئنٹی میچ چوبیس اپریل کو ہونے کا امکان ہے۔
دو ٹیسٹ کی سیریز کے میچ اٹھائیس اپریل اور چھ مئی سے ہوں گے۔ دورہ بنگلہ دیش کے لئے قومی ٹیم کا تربیتی کیمپ چھ اپریل سے لاہور میں لگے گا۔
