خیبرایجنسی: پاک فوج کے سربراہ جنرل راحیل شریف نے کہا ہے کہ دہشت گردی کے خلاف جاری جنگ کو منطقی انجام تک پہنچائیں گے۔
جنرل راحیل شریف کو کور ہیڈکوارٹر پشاور میں آپریشن ضرب عضب، خیبر پختونخوا اور فاٹا میں جاری کارروائیوں کے بارے میں بریفنگ دی گئی، آرمی چیف نے کہا کہ آپریشن ضرب عضب اور آپریشن خیبر ون کامیابی سے آگے بڑھ رہے ہیں اور دہشت گردوں پر زمین تنگ کر دی گئی ہے، ملک سے دہشتگردی کا مکمل خاتمہ کیا جائے گا۔
پاک فوج کے سربراہ نے سی ایم ایچ پشاور کا بھی دورہ کیا جہاں انہوں نے زیرعلاج زخمی جوانوں کی عیادت کی اور ان کے بلند حوصلے کو سراہا ۔
#COAS:visited CMH Psr,met wounded.Said,their resolve&indomitable spirit highly reassuring,asset for our Army&Nation-4 pic.twitter.com/aic803KhGY
— AsimBajwaISPR (@AsimBajwaISPR) March 22, 2015
اس موقع پر جنرل راحیل شریف نے اس عزم کا اظہار کیا کہ پاک فوج قوم کے تعاون سے دہشت گردوں کے خلاف جاری جنگ جیتے گی، ملک میں امن وامان ہرصورت یقینی بنایاجائےگا، بہت جلد تمام علاقوں سے دہشت گردوں کا خاتمہ ہوجائےگا،دہشت گردی ختم کرکےمتاثرہ علاقوں کی رونقیں بحال کی جائیں گی۔
