راولپنڈی میں نامعلوم افراد کی فائرنگ سے مقامی کالج کے پروفیسر جاں بحق ہوگئے۔
پولیس کے مطابق راولپنڈی کے علاقے فاروق روڈ پر مسلح موٹر سائیکل سواروں نے حشمت علی کالج کے پروفیسر عمرانی پر فائرنگ کر دی، فائرنگ کے نتیجے میں پروفیسر عمرانی موقع پر جاں بحق ہوگئے، ملزمان فائرنگ کرکے موقع سے فرار ہوگئے۔
واقعے کی اطلاع ملتے ہی کالج کے طلباء مشتعل ہوگئے اور سڑکوں پر آگئے، مشتعل طلباء نے پروفیسر عمرانی کے قتل کے خلاف مظاہرہ کیا اور قاتلوں کی فوری گرفتاری کا مطالبہ کیا۔پولیس کے مطابق واقعے کی تحقیقات شروع کر دی گئی ہیں۔
