سائبیریا میں روسی کارگو طیارہ گر کر تباہ ہونے سے نو افراد لقمہ اجل بن گئے۔
غیر ملکی خبر رساں ادارے کے مطابق روسی کارگو طیارہ ملٹری کے ایک ویئر ہاوس پر گرا، روسی حکام کے مطابق کارگو طیارہ فنی خرابی کے باعث کر تباہ ہوا، جس کے نتیجے میں طیارے پرعملے کے چھ افراد سمیت نو افراد ہلاک ہو گئے۔
واقعے کے بعد روسی فورسز نے علاقے کو گھیرے میِں لیکر آمدورفت کے لئے بند کر دیا اور لاشوں کو اسپتال منتقل کیا، واقعے کی تحقیقات کے لیے تحقیقاتی کمیشن قائم کر دیا گیا ہے تاہم اس حادثے کی فوری وجوہات سامنے نہیں آئی ہیں۔
